Pjattrófurnar

Nýjast

Lummur…mmmm

Margrét skrifar þann 13. mars 2010

Ég hef fram til þessa verið ólm í amerískar pönnukökur og þótt svo ljómandi tilvalið að gera þær um helgar. Á meira að segja litla pönnu sem steikir fjórar í einu. Rosa fínt.

85153718

En eins og ég hef áður greint frá þá er ég í átaki þessa dagana og þegar maður er í átaki gengur ekkert að háma í sig hveitiklatta með sírópi og smjöri.

Hvað er þá til bragðs að taka? Jú… maður breytir bara uppskriftinni!

Hér er uppskrift að dásamlegum íslensk/amerískum pönnukökum/lummum sem engann svíkja og allra síst heilsuátakið.

2 dl hveiti/heilhveiti/ spelt (má vera hvaða hveiti sem er í raun! ég nota spelt)
1 msk hrásykur
1 tsk lyftiduft
1/4 teskeið salt
1 dl haframjöl
2 og hálfur dl mjólk
2 msk matarolía
1 egg

Hræra öllu vel saman og hægt er að nota hvort sem er pönnukökupönnu eða venjulega pönnu og nota svo sósusleif til að gera litlar lummur (það er betra að hafa þær litlar).

Auðvitað breyti ég þessu svo eftir smag og behag. Í morgun stappaði ég t.d. smá banana og bætti útí ásamt hveitikími.

Það er hægt að setja kanil og rúsínur, eða bláber og fyrir litlu stelpuna mína setti ég nokkrar súkkulaðirúsínur út í bananapönnsuna í morgun.

Svo er gott að setja pínu hunang og/eða vanilludropa ef manni langar.

Þetta er meiriháttar gott og ofboðslega auðvelt :)

Fagget Fairys

Díana skrifar þann 13. mars 2010

Menning, Myndbönd

1 ummæli

Úlala…Um daginn las ég óánægju hjá lesenda okkar í athugasemdakerfinu. Óánægjan gekk út á að það væru ekki allir gagnkynhneigðir sem læsu pjattrófubloggið.

En auðvitað gerum við Pjattrófurnar ekkert upp á milli fólks, við erum öll jöfn hvort sem um er að ræða kyn og /eða kynhvöt og svona sem sárabót þá er hér eitthvað fyrir les-píurnar þarna úti.

Þessar dönsku lesbíur heita MC Ena og DJ Sensimilla. Stelpurnar eru vel þekktar í Danmörku hittust fyrir ári síðan, byrjuðu að deita, það gekk vel svo vel þær fóru að búa saman og eru núna trúlofaðar

Ena og Sensimilla eru plötusnúðar og tónlistarpíur, spila og semja skemmtilega ögrandi texta en tónlistin fellur undir Ghetto funk, pop-slamming og bandið kallast Fagget Fairys.

Stella skrifar þann 12. mars 2010

Lekkert

Rita ummæli

Sjóliða tískan heldur áfram inn í vorið en hún einkennist af dökkbláum og rauðum lit, röndum, akkerum og gullhnöppum.

Flott og skemmtileg tíska sem hægt er að leika sér mikið með. Rendurnar eru mitt uppáhald en akkerin eru líka skemmtileg tilbreyting.

En alltaf er hægt að fara yfir strikið og maður þarf að passa sig að ofgera ekki svo maður líti nú ekki út fyrir að vera á leið á Hrekkjavökuball ;) Hægt er að fá sailor-föt í flestum tískuverslunum og í búðum á netinu.

Versace litagleði

Díana skrifar þann 12. mars 2010

Lekkert, Stíll, Tíska

Rita ummæli

Þessar myndir eru teknar af æfingu og eru smá forskot á sæluna fyrir haust og vetralínu Versace 2010 en eins og sjá má mun litagleði vorsins halda áfram inn í veturinn.

versace-æfing-42-300x226 Donatella Versace er þekkt fyrir að hafa tekið við Versace tískuveldinu þegar bróðir hennar tískumógullinn Gianni Versace var árið 1997 myrtur við heimili sitt þegar hann snéri heim úr morgungöngu- en var hann skotin fyrir framan dyrnar á heimili sínu í Miami.

Við lát Gianni tók Donatella við starfi bróður sins og hefur verið í forsvari Versace síðan.

Hún hefur hannað fagra kjóla sem Hollywood stjörnur elska að enda sniðin kvenleg, kynþokkafull og ögrandi.

Umfjöllun: Lash Queen Feline maskari

GiGi skrifar þann 12. mars 2010

Augun, Utlit

Rita ummæli

Lash Queen Felini Extravaganza maskarinn frá Helenu Rubinstein dregur fram kisulóruna í hvaða dömu sem er …og mér finnst bara dálítið smart að hafa maskara með áprentuðu villidýramynstri í snyrtibuddunni.

3838252505_887fa2d7ef_o Og Lash Queen Feline er ekki bara einstaklega fallegur á að líta… svo lokkandi að mér finnst hann mjálma til mín þarna sem hann liggur í veskinu „taktu mig up, taktu mig upp!“ heldur er hann líka sérlega góður.

Það klikkar heldur ekki að þegar vinkonurnar reka augun í djásnið verða þær voðalega forvitnar, líka af því að ég er svo ánægð með maskarann.

Maskarinn bæði lengir og þykkir, hann þekur hvert og eitt einasta augnhár og sveigir þau náttúrlega upp á við.

Það sem mér finnst þó best við þessa vöru, fyrir utan smart hönnun hennar, er að hann hvorki klístrast né rennur af í amstri dagsins.

Ég er mikið í dansi og alvön því að í lok æfinga sé maskarinn alls ekki lengur þar sem ég setti hann á áður, heldur runninn inn í svita og tár.

Lash Queen Feline maskarinn frá Helenu Rubinstein heldur aftur á móti sínu striki og ég held um leið kúlinu og bæti eilítið glamúr touch-i við það í dansgallanum, sem er ekki svo slæmt !

Annað sem mælir með þessum maskara er að auðvelt er að byggja upp og þykkja augnhárin með því að fara margar umferðir, hann klístrast ekki hót og inniheldur líka jojoba olíu sem gerir hann bæði vellyktandi og mjúkan.

Lash Queen Feline fær fullt hús stiga fyrir gæði og frábæra hönnun.

img-thing